記得我細細個時，每逢不用上學的早上就最開心! 因為老豆一定會帶我去浦冰室(即現時的茶餐廳)，食個早餐，老豆例牌會叫：[伙記，熱啡、波羅油兩份!] 每次聽到老豆叫兩份的時候，我都會有股熱流由心底湧出來! 股熱流同我講：您大個仔喇! 可以飲咖啡喇! 我就會即時四圍望，得戚地比人睇我幾威! 好多人細個都會認為：咖啡係大人至飲得! 所以第一次與同學於餐室叫"餐飲咖啡"的時候，都是想證明比自己同埋其他人知道，我已經是個大人！但係外國人就不是這麼，在北歐的冰天雪地山區，BB一出世，是學飲咖啡先才飲奶! 而中東地區，特別係埃及周圍的細路，不是喝可樂，而是喝咖啡，他們自細還識得用飲完剩下的咖啡渣來做占卜算命，推算當日的運程，有人話仲可將「未來老公」個樣都睇到添! 真係信不信由您!